(泰國) Banyan Tree Bangkok Massage

2年前到曼谷住Banyan Tree，因為當時住Club Room 有promotion 送一個鐘massage，所以唔理三七廿一都 要住Club Room，除咗住勁大間套房外，仲可以免費試試 佢嘅massage。到步第一日book做massage，都幾full喎， 要2日後先有位。開頭仲以為因為有好多人拎到coupon先 咁full，後來去到先發現Banyan Tree massage除咗酒店 住客，仲有好多街客幫襯。如果以返佢價錢啲人都黎做， 證明係一定唔錯。   Sweetie book咗２個人一間房，有spa嘅浴缸，洗手間， 2個洗腳座位同埋2張按摩床。首先換咗浴袍，就可以揀 香薰同埋揀飲凍或者熱嘅茶，杯茶比你一路用有花瓣的 水洗腳時飲。另外就係填問卷，睇下想要咩力度，邊到按 多啲同埋問下你身體狀況。     搞掂晒就上床開始按摩。面向天，天花有星星佈局的小燈 超靚，再加上一啲好relax嘅音樂真係以為自己訓喺一個好 空曠嘅草原睇星星。按摩力度非常適中， 唔會死鋤難鋤亦 唔會冇食飯咁冇晒力。速度適中，唔會摩打手又唔會hea 住 咁按，但就跟隨音樂一下一下咁按。Sweetie當時真係relax 到想訓，但就忍住要自己唔好訓，要留意住佢地按得好唔好， 唔係訓咗就報告唔到咁多比大家知。 按完就好似charge 足電咁，爽呀！換返衫出去，就有個好 似café corner嘅地方休息，之後遞上熱或凍嘅lemon grass tea同埋一杯新鮮生果杯。   如果話Sweetie去過無數的按摩店，到目前為止Banyan Tree Massage 無論環境、服務、衛生、舒適度真係最好嘅一間。 不過佢真係貴咁啲囉。始終, 按摩都係泰國好.....   Website: http://www.banyantree.com/en/bangkok/experience_the_resort/spa   如果你想keep住知道OL每日會發生嘅趣事，就要入去Sweetie個fb page睇下，同like我個page啦!  http://bitly.com/OhMySweetie

欠缺法國靈魂的萬寧staub飯碗

終於得閒post返之前喺萬寧換嘅staub飯碗。4隻飯碗pack好晒，方便拎又唔太重。顏色上得好好，本身以為4隻一定有1或2隻係有瑕疵，Sweetie仲一早問定晒萬寧姐姐如果有問題可唔可以換，點知4隻都非常之完美。   唯一有少少美中不足就係made in China，不過而家staub同LC嘅stoneware大部份係made in China，以萬寧低價換領嘅更加走唔甩，唯有接受現實。不過staub所有鑄鐵鍋係made in France，所以Sweetie好期待喺安信信用卡換嘅鑄鐵鍋。雖然之前好多朋友都話$7800好難簽，但如果咁岩有樣電器、手機或者機票等等嘅野要買，都已經好快簽夠。想拎返個免費嘅法國製造鑄鐵鍋，就去呢到睇下啦！ 參考網址： http://bit.ly/1G3himC   如果你想keep住知道OL每日會發生嘅趣事，就要入去Sweetie個fb page睇下，同like我個page啦! http://bitly.com/OhMySweetie

(泰國) 翟道翟 - 尋寶好地方

提起翟道翟, 諗到就係"熱"、 "焗"同埋"迷失"。地方超級大，店舖又非常多，所以好易迷路。喺咁熱辣辣嘅泰國，加上翟道翟好唔通風，真係好易中暑。   點解Sweetie攞苦黎辛都要黎翟道翟？原因係泰國要買嘅野呢到都好齊全，最重要係平。但Sweetie一般都會係幫襯乾貨擺設多啲，因為擔心太熱會令食物變壞。 就好似幾年前黎曼谷，Sweetie喺出面商場見過一款長頸鹿燈，但有啲貴而冇買到, 搞到之後嘅行程都心掛掛好想返轉頭買。點知行程最後一日，喺呢個咩都有嘅翟道翟比Sweetie搵到，仲要係平一半價錢。   要平要抵，就要付出， Sweetie就付出咗好多嘅汗水，就當搵個機會出出汗減減肥啦!     如果你想keep住知道OL每日會發生嘅趣事，就要入去Sweetie個fb page睇下，同like我個page啦!  http://bitly.com/OhMySweetie

(泰國) Harrods Tea Room, Central Embassy

近幾年有好多外國嘅Tea Room進駐泰國，聽講話貪泰國租平同埋遊客又多，所以會搵泰國做試點。Sweetie上一次去泰國就試咗Twinnings，今次黎到就試試英國熊bear bear做生招牌嘅Harrods。2間分店都非常方便，分別喺Siam Paragon同埋Central Embassy，Sweetie諗住行下新嘅shopping mall，所以去咗Central Embassy呢間。Harrods tea room一啲都唔難搵，見到一大隻著住綠色制服嘅熊bear bear就知喺邊。    裝修帶有英式簡約嘅風格，餐具成套用晒Harrods自家嘅品牌。可能真係太好生意，喺4點左右好多種Afternoon tea set已經售罄，剩低一款2人份量嘅The Embassy Garden Set。而個set可以揀2款茶，Sweetie揀咁Earl Grey & 雲呢拿味嘅茶。     Tea set 賣相尚算吸引，因為有好多唔同嘅顏色。最突出應該係個黑色嘅scone，第一次見。       因為scone同蛋卷比例太多，個set太飽肚了。至於味道方面，Sweetie就覺得普普通通同埋欠缺一啲精緻嘅鹹點，不過話晒Harrods係英國大品牌，點都要黎試一試。除咗服務好，價錢又合理，個set只需890 bath (約HKD220)，點都平過喺英國食。   tea room 隔離仲有Harrods嘅精品店同埋cake shop，臨走仲可以去掃掃貨當手信。唔想飛去英國咁遠試Harrods嘅afternoon tea，黎泰國就係最方便嘅選擇。       地址：Level 2, Central Embassy, 1031 Ploenchit Road, Pathumwan, Bangkok, Thailand   如果你想keep住知道OL每日會發生嘅趣事，就要入去Sweetie個fb page睇下，同like我個page啦! http://bitly.com/OhMySweetie

(泰國) 禪Lavana Bangkok Spa

OL Sweetie返工日日對住部電腦搞到頸緊膊痛，所以不論去旅行或喺香港，一有機會就會做massage。今個復活節5日長假，就去咗泰國。去泰國幾次，酒店以外的按摩店，最靚可以話係呢間。因為今次行程時間緊迫，所以只係揀咗做1個鐘香薰油按摩aroma massage。由於冇預先booking又太多人關係，都要等咗半個鐘先有得開始做，不過呢半個鐘唔係齋坐架：   首先serve杯茶同埋抹手巾比你，等你relax下。跟住再放低份form比你填，都係一般嘅健康調查，同埋睇下你想按邊個部位多啲。       之後就比10種香薰油你揀，Sweetie就揀咗Lemongrass，貪佢陣味夠relax。   揀好香薰油後就等有冇房，當有房時就會比對拖鞋你更換，再跟住去洗腳   聽講以前係一間disco，而家改做Spa，所以地方真係好大。經過好似迷宮嘅走廊，終於到咗Sweetie嘅按摩室啦。     按摩師手法正宗，時間亦都配合得好好，1個鐘頭每個部位都按到鬆晒，做完出黎仲有甜品食。   其中有一個步驟係用個herbal hot pad敷肩頸，超級舒服，所以Sweetie喺走嘅時候都幫襯買咗個返香港，用嘅時只需放入微波爐叮1.5分鐘就用得架啦。   禪Lavana Bangkok Spa Website: http://www.lavanabangkok.com/about_us.php Address: No. 4 Soi Sukhumvit, 12 Sukhumvit Road, Klongtoey, Klongtoey,          Bangkok 10110 Tel: +66 (0) 2 2294510-12 Email: lavana.bangkok@gmail.com Opening Hrs: 9:00am – 0:00pm Last reception: 23:00pm   如果你想keep住知道OL每日會發生嘅趣事，就要入去Sweetie個fb page睇下，同like我個page啦! http://bitly.com/OhMySweetie

LC & staub 日本outlet大檢閱

<互聯網圖片> 而家啲日元咁低，去日本真係好抵玩，有唔少姊妹都去日本掃貨，特別係掃LC同staub。日本outlet咁多個，但並唔係每一個都有LC同埋staub買架，所以大家唔做定功課，小心會白行一趟。Sweetie為咗方便大家，就整咗個表，一睇就知邊個outlet有呢2大牌子： 地區 Outlet 名稱 Le  Creuset staub 北海道 三井Outlet Park札幌北廣島 http://www.31op.com/sapporo/index.html 仙台 仙台泉Premium Outlets http://www.premiumoutlets.co.jp/chs/shop/sendai-izumi/ 三井Outlet Park仙台港 http://www.31op.com/sendai/index.html 茨城 Ami Premium Outlets http://www.premiumoutlets.co.jp/chs/shop/ami/ 枥木 佐野Premium Outlets http://www.premiumoutlets.co.jp/chs/shop/sano/ 千葉 三井Outlet Park 木更津 http://www.31op.com/kisarazu/tw/index.html 三井Outlet Park 幕張 http://www.31op.com/makuhari/index.html Shisui Premium Outlets (Narita Airport) http://www.premiumoutlets.co.jp/chs/shop/shisui/ 埼玉 三井Outlet Park 入間 http://www.31op.com/iruma/index.html 靜岡 御殿場Premium Outlets http://www.premiumoutlets.co.jp/chs/shop/gotemba/ 長野 輕井澤王子購物廣場 http://www.karuizawa-psp.jp/page/ 大阪 Rinku Premium Outlets http://www.premiumoutlets.co.jp/chs/shop/rinku/ 神戶 神戶三田Premium Outlets http://www.premiumoutlets.co.jp/chs/shop/kobe-sanda/ 三重 三井Outlet Park 爵士之夢長島 http://www.31op.com/nagashima/index.html 滋賀 三井Outlet Park 滋賀龍王 http://www.31op.com/shiga/index.html 岡山 三井Outlet Park 倉敷 http://www.31op.com/kurashiki/ 岐阜 土岐Premium Outlets http://www.premiumoutlets.co.jp/chs/shop/toki/ 福岡 瑪麗諾亞城 http://www.marinoacity.com/chinese-tra/ 佐賀 烏栖Premium Outlets http://www.premiumoutlets.co.jp/chs/shop/tosu/ 沖繩 沖繩Outlet Mall ASHIBINAA http://www.ashibinaa.com/ 如果大家plan好去邊，最好再入埋每個outlet下面條link (官方網頁) 睇睇詳細資料，網頁有齊營業時間同教大家點去個outlet架！ 如果你想keep住知道OL每日會發生嘅趣事，就要入去Sweetie個fb page睇下，同like我個page啦! http://bitly.com/OhMySweetie