唔洗錢都可以換staub

<互聯網圖片> 你無睇錯，除萬寧可以用印花加錢換staub，Sweetie發現申請「安信」信用卡都有得換staub，而且可以唔駛錢換。呢間公司做按揭同貸款就出晒名，Sweetie都唔知「安信」原來係有信用卡。睇返佢個申請表，佢地個申請門檻都幾低，只需要年薪$60,000就可以申請到。Sweetie最鐘意出新卡拎著數，近期最值得出嘅卡都算係呢張，佢而家送緊staub嗰2款鑄鐵鍋，每個都起碼值2千幾蚊。想知點換，睇一睇下面個表就清楚晒： staub鑄鐵鍋 顏色 簽賬要求 簽賬期限 換領價 17cm橢圓形 (零售價:$2,399) 灰 $7,800 發卡後90天內 $0 23cm橢圓形 (零售價:$2,899) 芥末黃 $7,800 發卡後90天內 $300 $20,000 發卡後90天內 $0 鑄鐵鍋先係staub嘅皇牌，隻隻都係法國做。今次換嘅顏色都好吸引，唔會再係普通嘅紅藍綠色。簽賬要求睇落好似好高，但除返開3個月都唔算太多，圍返1個月都只係簽$2,600，而家出街食飯咁貴，1個月都閒閒地食咗。萬一想換大嘅鑄鐵鍋又簽唔夠2萬蚊，大不了都係補番$300，而家萬寧做緊嘅staub碗仔都要補約$200換購，就算畀$300都算抵。 Sweetie都有興趣申請，所以打過去信用卡中心問咗唔少資料，原來簽賬要求係包括埋網上繳費，例如交保險費、學費都計。同埋佢簽$150就有$1回贈，所以如果簽2萬蚊就有$133回贈。再加埋網上申請又額外送$100現金回贈，即係又可以賺到$233。如果你係staub fans，就要去申請啦! 參考網址： http://bit.ly/1G3himC 如果你想keep住知道OL每日會發生嘅趣事，就要入去Sweetie個fb page睇下，同like我個page啦! http://bitly.com/OhMySweetie

快速換萬寧staub攻略

相信各位姊妹對今次萬寧換購staub都心思思，Sweetie睇完實物覺得萬寧今次display陶瓷餐具質素比上次換購嘅鑄鐵鍋好。職員小姐亦都同Sweetie講換購期至到28/5，如果真係冇貨會比張coupon客人之後拎貨。   首先Sweetie喺到講講換啲咩同埋點換先。基本條件要有mann卡，以下係換購方法： Staub產品 顏色 換購條件 陶瓷飯碗4件 4紅或4綠色 35印花 +$249 陶瓷麵碗2件 2紅或2綠色 35印花 +$199 陶瓷沙律碗1件 紅色 35印花 +$199 迷你心形燉鍋2件 紅色 300積分 +$199 迷你圓形燉鍋2件 綠色 300積分 +$199   跟住就要講快速換購攻略。一般購物滿$60只得一個印花，想更快攞到印花，有以下2個方法：  1. 雙倍印花 購買個人護理產品淨額滿$60 或護膚產品淨額$150 例子: 買個人護理產品淨額滿$120=4個印花 2. 多1個印花 購買指定產品(當中附合指定件數) 可多1個印花 (產品可參考下圖) 例子: 某指定產品每2件可有多1個印花，例如那指定產品1件$10，買6件即$60=4個印花       Sweetie仲有個小心得，如果你揀中嘅指定產品而又係個人護理產品或護膚產品就會有更多嘅印花。好似Sweetie咁，買約$20嘅Kotex產品，而Kotex產品係個人護理產品同埋係指定產品(1件就有多1個印花)，買咗6件就約$120，就拎到10個印花。   另外仲有啲平價產品好似萬寧落妝棉，佢係個人護理產品又係指定產品，咁就付出少啲嘅錢同埋拎到多啲印花。   希望以上方法可以幫到大家快啲換到心頭好啦！   如果你想keep住知道OL每日會發生嘅趣事，就要入去Sweetie個fb page睇下，同like我個page啦! http://bitly.com/OhMySweetie

萬寧印花換 staub 陶瓷餐具

<互聯網圖片> 近年Sweetie好迷2個超hit嘅廚具品牌Le Creuset同埋staub，所以買埋咗好多鑄鐵鍋，而家仲開始儲埋陶瓷餐具。成枱五顏六色嘅餐具，食飯都食得開心啲。 今日發現萬寧做緊印花換staub嘅陶瓷餐具，作為staub迷嘅我當然唔會錯過呢次優惠。記得上一次萬寧都出過換3個唔同size嘅鑄鐵鍋，據講有啲遲咗先儲齊印花嘅姊妹要等到推廣完晒幾個月先有得拎個煲，由於今次仲未知貨源充唔充足，所以一個字"快"...快人一步，換到心頭好。 記得做埋mann卡會員，仲可以儲少幾個印花架。 萬寧website: https://www.mannings.com.hk/mann/index.aspx?new_lang=cn    如果你想keep住知道OL每日會發生嘅趣事，就要入去Sweetie個fb page睇下，同like我個page啦! http://bitly.com/OhMySweetie

買返工衫慳錢大法

<互聯網圖片> 唔知各位Office lady 平時返工會著咩衫呢？Sweetie就多數著連身裙加件外套。呢個星期天氣有少少涼，所以會著件西裝褸做外套，黎緊天氣暖返啲，就會著針織外套。 早幾日行街入咗間Uniqlo睇，發現出咗好多款色嘅針織外套，有淨色、波點同埋間條。除此之外仲有好多色揀，岩晒夏日嘅衣著配搭。呢類針織外套冇話興唔興，著幾多年都得。望望價錢，真係抵到爛，百幾至二百蚊就有件，而且質地都唔錯。於是Sweetie就拎咗幾件外套同衫去試，見到試身室貼住個牌仔話$100以上嘅褲改短唔洗加錢，仲可以即日有得攞。Uniqlo啲衫褲已經夠平又靚，服務仲咁好添。 Uniqlo開始嘅時候比較多休閒嘅衫，最近多咗啲返工衫，如果再多啲返工衫嘅款式，各位OL就可以多啲喺到買衫，咁就慳翻唔少錢啦!   如果你想keep住知道OL每日會發生嘅趣事，就要入去Sweetie個fb page睇下同like我個page啦! http://bitly.com/OhMySweetie

信用卡機場攞著數

<互聯網圖片> 又到旅行嘅季節啦！Sweetie係一個熱愛旅行嘅OL，一直都認為返工咁辛苦，一有假期當然要出一出國relax下啦。黎緊復活節有5日大假，大家有冇plan去邊到旅行呢? 講起去旅行，最識搵著數嘅Sweetie一定會帶2張信用卡出機場。唔知大家有冇買雜誌上飛機睇嘅習慣呢? Sweetie就會唔放過喺飛機上嗰幾個鐘、甚至十幾個鐘嘅時間，點都要刨一刨娛樂八掛新聞同埋潮流走勢keep住update自己，所以第1張要帶嘅就係DBS Black卡，只要有當日登機證連同DBS Black 卡就可以去到機場間Page One 換領$15以下嘅雜誌或報章，如果多過 $15就需要補返差價。 除此之外，Sweetie上機前嘅指定嘅動作就係去Plaza Premium Lounge 食碗美味嘅魚旦粉，所以第2張就係可以免費享用機場候機室嘅信用卡。Sweetie就會用Citibank Premier Miles，雖然而家可以入lounge 嘅信用卡買少見少，不過唔難申請嘅都仲有American Express 張CX卡。不過大家就要留意返每張卡嘅使用條款，而家好多卡都限住每年使用嘅次數，同埋唔會通知你就cut咗個優惠。早幾年Sweetie張中銀白金信用卡仲係可以免費任用個lounge，點知去完個旅行發現比人收咗錢，打上去卡中心先知個優惠cut咗。由於中銀冇通知在先，所以最後可以waive 咗嗰幾百蚊。 所以各位鐘意旅行嘅朋友，去旅行前就預早搵定張有優惠嘅信用卡啦！    如果你想keep住知道OL每日會發生嘅趣事，就要入去Sweetie個fb page睇下，同like我個page啦! http://bitly.com/OhMySweetie

OT等同多野做?

<互聯網圖片> Sweetie以前做嗰間大大公司，話晒係喺香港有領導地位嘅金融公司，所以工作算係繁忙。不過都只限在於辦工時間，一般都唔需要OT。朝9晚6，頂多都只係7點鐘就走人。 不過好奇怪，同Sweetie同team嘅一個秘書姐姐P小姐，經常性都會喺8點先走。由於Sweetie都會幫佢手做野，所以走嘅時候同P小姐講bye bye時都有啲唔好意思。於是，Sweetie就每次走嗰刻都會問P小姐有冇野需要幫手? P小姐就灑手擰頭咁講「得啦 ! 你走先啦，我自己搞得掂架啦。」 出面亦都好多同事幫P小姐出聲「嘩，P小姐老闆咁衰架，比咁多野佢做。」「P小姐真係勤力，成日OT都冇怨言，佢條team個Sweetie都唔幫下手」Sweetie聽入耳當然好唔憤氣啦，主動出聲幫佢，佢話唔洗我都冇辦法架。有一日Sweetie真係要OT過7點，無意中就見到P小姐個mon有啲唔對路。雖然P小姐成枱都係公司文件，亦做到冇停手，但原來喺電腦做私人嘅野。到8點鐘，P小姐接咗個電話「你收工啦？咁我而家都走啦。」 真相終於大白，原來P小姐一直OT唔係忙公事，而係等佢老公收工。但佢就會放晒公司文件喺枱面令人以為佢OT係做緊公事。雖然喺公司OT係冇津貼，但可以等老公嘅時候又唔洗周街逛，最緊要係羸埋同事話佢勤力嘅讚賞，真係一石二鳥。不過就令到Sweetie同P小姐個老闆比人講咗唔少閒話。 如果你想keep住知道OL每日會發生嘅趣事，就要入去Sweetie個fb page睇下，同like我個page啦! http://bitly.com/OhMySweetie

名牌袋 - 你揹唔揹得起?

<互聯網圖片> 作為OL，又以CHANEL Bearbrick做個人照嘅Sweetie，第一篇文章緊要以CHANEL做主題。利申Sweetie一個CHANEL都冇，不過就好鐘意呢個牌子。 早幾日CHANEL大減價，可真令香港女士們茶飯不思。買好？唔買好？但返緊工喎，都係搵唔洗返工嘅朋友幫手買。最後報章刊登咗好多CHANEL大排長龍嘅報導，大搜查式報導幾位女士買咗邊啲心頭好，同埋平咗幾多。 Sweetie雖然貴為中環白領，但返工唔多用名牌，原因係以前喺大大公司做秘書時見得多、聽得多，令到Sweetie有啲怕怕返工用名牌。 話說以前Sweetie做嘅大大公司有好多位秘書小姐，Sweetie就只係一個初踏隻腳入社會嘅細路女。見到前面個秘書姐姐每兩、三個星期就有新款名牌袋。正當Sweetie羨慕之際，就聽到好多聲音喺耳邊。  「 A小姐明明失婚，仲要養一家大細同阿媽，邊有咁多閒錢呀？」「聽講 A小姐同佢嗰組個老闆有路喎，唔怪得咁有米啦。」 「好似話 A小姐因為自己有儲袋癮，同男人一齊嘅目的只係為咗個袋。」 而講呢啲說話正正就係A小姐深交咗好耐嘅老友。雖然我仲未知道A小姐係唔係同佢老闆有一手，但係就知道只要你有野令到其他同事唔抵得，就會一身蟻。 最弊嘅事就係公司大老闆已認定A小姐係賺錢買花戴，A小姐喺年尾加人工嘅時候只係得雞碎咁多。比人講閒話事少，影響份糧就事大啦 ! 呢件事令到Sweetie知道咗個道理，做打工仔最好就要低調，有咩都唔好show off。名牌嘅野，留返星期六日先用吧。 如果你想keep住知道OL每日會發生嘅趣事，就要入去Sweetie個fb page睇下，同like我個page啦! http://bitly.com/OhMySweetie