比LC半價同換staub更吸引嘅優惠?

近期最hit一定係LC半價同萬寧換staub，除此之外Sweetie仲發現一個好著數嘅方法。

Sweetie見到渣打做緊個promotion，就係申請信用卡迎新禮品有Le Creuset送，而家只要申請渣打嘅「銀聯雙幣白金信用卡」或者「渣打WorldMiles卡」都有得送。

不過顏色款式size都定咗得一個，就係最classic 嘅橙色20cm 圓形琺瑯鑄鐵鍋 。佢標出黎個參考零售價係$2988，如果要免費換購呢個LC鑄鐵鍋就要2位全新嘅信用卡主卡客戶先得，真係搵唔到朋友仔屋企人陪你出卡就要加$1494換購啦，不過就要記得佢有個條件係要首張信用卡喺出卡首2個月要簽賬夠$8000先得。另外如果揀LC做迎新禮品會有埋$100惠康禮券送架！

渣打銀行 (參考網址 : http://bit.ly/1LDqy3o )
信用卡類別：	銀聯雙幣白金信用卡 or 渣打WorldMiles卡
鑄鐵鍋類型 :	Le Creuset 20cm 圓形琺瑯鑄鐵鍋 (橙色)
簽賬要求 :	首2個月滿$8,000
其他要求 :	2位全新嘅信用卡主卡客戶–免費 1位全新嘅信用卡主卡客戶–需加換購價$1,494

講開鑄鐵鍋Sweetie 之前都有講過安信信用卡都有做緊staub做迎新禮物，之前冇追開Sweetie個blog唔緊要，而家再做埋個簡單介紹比大家，Sweetie都申請張卡申請咗個23cm staub橢圓形琺瑯鑄鐵鍋：

安信信用卡 (參加網址 : http://bit.ly/1G3himC )
信用卡類別：	安信PC Visa
鑄鐵鍋類型 :	staub 23cm 橢圓形琺瑯鑄鐵鍋 (芥末黃色) staub 17cm 橢圓形琺瑯鑄鐵鍋 (灰色)
簽賬要求 :	23cm橢圓形琺瑯鑄鐵鍋:首3個月滿 $20,000 (或首3個月滿 $7,800加$300換購價) 2.17cm橢圓形琺瑯鑄鐵鍋 :首3個月滿 $7,800
其他要求 :	無其他特別要求

如果你想keep住知道OL每日會發生嘅趣事，就要入去Sweetie個fb page睇下，同like我個page啦!

http://bitly.com/OhMySweetie

萬寧又換staub，換購價高達成千蚊，值唔值得換?

<互聯網圖片>   相隔2個多月，萬寧又再換staub。以Marketing角度睇，係咁短時間再出一個差唔多嘅Program，估計上次個Program嘅反應無預期中咁好，所以要調整方向去追數。最明顯係佢啲陶瓷餐具係上次換領嘅中段時間，已經唔需要印花，就可以換領。去到今次Program，仲有得換，似乎萬寧入咗好多貨。   今次除咗陶瓷餐具，最特別就係換雙耳鍋Braiser，之前係未出過，所以好多jm都打算換呢一個。不過換領要求就比較高，要300積分同加$949。睇番個參考價$3,999，就算加$949都好似好抵，不過如果本身冇諗住買，無啦啦為換而換，拎成千蚊都幾肉赤，同埋要用佢去炒野，就要有啲手力先可以拎得起黎炒。   除此之外，仲有得換番上年果3款煲。顏色仍然係上年果3隻紅藍綠大路顏色，如果已經係上年換咗嘅jm，相信唔會有太大興趣再換。至於換購價，大煲26cm會貴咗，因為大煲今次會連埋一個蒸籠，所以貴啲都合理，但又係要成千蚊。有睇開LC或者staub fb group嘅jm應該都知個蒸籠買出面平平地嘅牌子都好岩身。至於小同中煲嘅換購價就同上年一樣不變，但始終都要最少加$599先換到一隻最細嘅18CM。    不過Sweetie今次冇興趣換啦，有睇開Sweetie個blog都知Sweetie申請咗「安信」信用卡，唔駛錢就可以換到一個17cm或者23cm橢圓形煲，仲要係特別啲嘅芥辣黃同灰色。       有申請咗嘅jm都有同Sweetie講，「安信」張卡用落同其他卡Visa卡都係一樣，而且呢張卡嘅禮品簽賬要求係包括埋網上繳費，例如交保險費、學費都計。同埋佢簽$150就有$1回贈，所以如果簽2萬蚊就有$133回贈。再加埋網上申請又額外送$100現金回贈，即係攞完禮物，仲可以額外賺到$233。最緊要就係張卡超易批，家庭煮婦都可以申請，有興趣就去睇下啦： http://bit.ly/1G3himC       如果你想keep住知道OL每日會發生嘅趣事，就要入去Sweetie個fb page睇下，同like我個page啦! http://bitly.com/OhMySweetie

Party首選"聚點" - MeetPoint

近期Sweetie跟班朋友去咗觀塘一間叫MeetPoint的樓上party場地。Party場地去得多，呢間喺觀塘工業中心都尚算方便，由地鐵站一出行幾分鐘就到。地方寛敞仲有好warm嘅感覺，價錢又合理。   以前Sweetie一般認為party場地好多時都係比一班小朋友開party，但MeetPoint除咗小朋友，都顧及埋大人開party嘅需要。場地分咗4個部份:   1. 大廳 大食會範圍、鞦韆椅、當值人員counter 、雪櫃、獨立洗手間(挺乾淨的)   2. 小朋友主題 波波池、帳篷小屋、車仔、跳跳RODY 3. 大人主題 電視、麻雀、啤牌、遊戲機、棋類   4. 烘焙室 烘焙班用   小朋友做主題房間地方非常大，有波波池、帳篷小屋、車仔同跳跳RODY等等。整個房屋有晒防撞膠墊，所以非常安全。負責人仲話佢地每日都會用消毒液清潔場地，而波波池啲波波更一個一個咁清潔，所以環境同設施咁乾淨，大人都可以放心啲比小朋友喺到玩啦。     大廳貫穿所有房間，主要用黎大食會用，MeetPoint提供到會服務，原來叫到會仲可以免入場費任玩3粒鐘。Sweetie上次就試咗個十人餐，味道非常好仲一定夠飽，每人為返都只係百幾蚊。Sweetie就最鐘意大廳個鞦韆椅，又靚又好玩，影相一流。   大人做主題的房間可以開2枱麻雀、捉棋玩啤牌、仲有男仔至愛嘅遊戲機，遊戲機嘅games尚算多選擇。而Sweetie見到第3間房好多焗爐，問過至知原來MeetPoint 有搞烹飪班同晝畫班，第3間房就用黎烘焙用嘅，真係岩晒黎緊暑假搵節目比小朋友嘅媽媽，負責人就話如果有興趣可以去MeetPoint個facebook page 睇下。   參考資料： on.fb.me/1RLfO3x   Party場地唔一定要去餐廳或酒吧，反而book呢類型會比較free想玩咩就玩咩，下次Sweetie有朋友生日，一定識揀。   如果你想keep住知道OL每日會發生嘅趣事，就要入去Sweetie個fb page睇下，同like我個page啦! http://bitly.com/OhMySweetie

十大可怕同事

<互聯網圖片> 早幾日登咗一網站文章係講可怕上司12道陰影，Sweetie就有感而發好想講講Sweetie見識過嘅可怕同事，呢啲陋習一啲都唔特別，Sweetie做過咁多間公司都有咁嘅人，今次寫以下呢10個唔知大家有冇遇過呢？ 1. 打噴嚏和咳唔掩嘴 掩嘴是常識吧，有病又唔帶口罩，好似想生化危機咬人變喪屍咁傳染晒成班同事。地鐵都多呢類人，但同事朝見口晚見面，熟人面前都唔避忌下。 2.人地紙巾唔洗錢 好多公司都唔提供面紙比員工，或者只係提供一卷卷廁所紙，所以好多時都係員工自己買。唔知點解有啲同事做咁多年都唔會為自己預備盒紙巾，就算有公司提供嘅一卷卷廁所紙都有事無事抽你幾張，Sweetie自問自己買嘅紙巾唔算薄，一張唔夠用嗎？到你望住佢時，佢至會斯斯然講：借張黎丫。真想反問一句：幾時還呀？呢到係借3張唔係借張。 3. 做幕後黑手 去廁所唔洗手係個好私隱嘅問題，但往往都比Sweetie發現到隔離廁格嘅人沖水後直出廁所大門，洗手嘅水聲呢？又再一次問，如廁後洗手是常識吧！所以Sweetie每次洗完手，都會用一張抺手紙開廁所大門，因為Sweetie知道廁所大門一定沾污晒唔洗手同事嘅細菌。 4. 唔願做包尾 唔知點解Sweetie斟水成日都見到個change bottle燈著咗，影印時又會係用到最後一張紙嘅嗰個。不其然變咗吳若希mode：點解嘅？點解嘅？水都可以解釋個同事至多唔飲走咗去，原來影印同print野都一樣，竟然有次比Sweetie見到個同事見冇紙即去影印機按cancel printing，真想問份文件唔急嘅咩？ 5. 吹多過做 有啲同事好得意，成日周圍同人講自己做緊啲咩大project，個project有幾重要，但往往唔覺佢點洗做野，成日只係拎住個電話由朝到晚同人吹自己擔起幾大嘅重任。就算OT都係吹水唔係做野。 6. 辦公室政治搞手 Sweetie最驚係是非，但office往往係權力鬥爭嘅地方一定會出咗啲辦公室政治搞手。是非精唯恐天下不亂，到處起火頭，見到同事之間鬥到你死我活或大家有心病先覺得自己任務完成，有時Sweetie會諗呢類同事返工嘅正職都底係啲咩呢？ 7. 間歇性失聰 一Team人做野最緊要互相幫助，所以大家幫teammate pick電話係理所當然嘅事。不過有啲同事個世界就永遠只有佢自己嘅電話識響，唔會聽到人地嘅響。扮聽唔到而唔pick都算，有啲仲搞笑地即拎起自己電話打比人。 8. 一日朋友 有啲同事平時冇咩2句，但好奇怪公司加完同事人工或者出完花紅就會同任何同事都好frd咁，其實就係八掛人地出幾多個月花紅，加幾多%人工。到知道人地多過佢就面燶燶，少過佢就開心到掩蓋唔到自己嘅喜悅。 9. 永遠是但，但意見多多 一大班同事難免定時一齊食lunch，諗食咩就最傷頭腦。Sweetie就遇過好多口是心非嘅同事話食咩都冇所謂，到有人提出間餐廳時，就會好多原因話呢樣唔好嗰樣唔好。再問佢又再一次講冇所謂，但人地意見就唔接受，一般大家問到冇癮時，呢類同事就會話：不如去xx食丫。 10.     飯錢慢慢還 出街食lunch唔帶銀包，或者銀包冇錢好多時都會發生喺同事身上，出到聲比住先，冇理由託手踭。一借唔係冇回頭，而係要等1個月有多先會還。同事嘅經濟真係咁割據嗎？有時幾日問一次，每次都話未去ATM拎錢，最怕係1個月後追數時，而佢又唔記得自己係未還，大家為嗰幾十蚊爭執，就有傷感情啦。 如果你想keep住知道OL每日會發生嘅趣事，就要入去Sweetie個fb page睇下，同like我個page啦! http://bitly.com/OhMySweetie