Lancome會員Mother's Day有花收

有啲化妝品牌，只要你成為會員，間唔中都會有啲著數，好似Sweetie每次同陽光玩遊戲，都會用Shiseido嘅Annessa 防曬，嗰時幾年前只買咗一支防曬同埋一支卸防曬液就已經做到會員。做咗會員後就間唔中有人call Sweetie參加Shiseido 嘅免費面部護理，好多時都會喺帝都酒店ballroom做，最豪華一次就係包了間帝都酒店套房比你上去做。唔洗錢又可以做埋facial，緊係好到極啦！   Sweetie主要用LANCOME嘅護膚產品，自自然已經成為咗LANCOME member好多年。LANCOME每年都有幾次VIP day，除咗有購物優惠，仲有積分換禮品同埋facial 體驗，LANCOME 嘅facial真係very good! 雖然都頗貴，但Sweetie都好捨得喺到做過幾年facial。    講返LANCOME會員母親節有花收，呢年母親節LANCOME特別安排免費嘅束花班比member，以電話通知形式call member。Sweetie收到電話聽落都幾有趣，當然唔執輸報名參加啦！活動喺母親節前一日嘅星期六，Sweetie去到圓方LANCOME單對單睇住一位哥哥教你點束一個細細嘅花球。其實呢個活動只係象徵式教束花，主要都係送束花比member，都算有心思丫。           如果你想keep住知道OL每日會發生嘅趣事，就要入去Sweetie個fb page睇下，同like我個page啦! http://bitly.com/OhMySweetie