仲記得以前有間轟動一時嘅伊藤家，排長龍都要等買個日式焗芝士蛋糕，最後伊藤家消失了。近期興起食芝士撻，Sweetie嫌佢芝士味道太濃烈，仍然對焗芝士蛋糕念念不忘。
早2個月，日本九州出名嘅Uncle Tetsu's Cheese cake終於喺香港銅鑼灣開咗分店，開店到而家都大排長龍，搞到Sweetie每次都打消購買念頭，琴晚夜晚9點半竟然有一刻唔太多人，即排隊買個做宵夜。最後足足都排咗20分鐘先排到比錢，再加15分鐘等出焗拎蛋糕。用咗半個鐘最後以$59買到呢個6吋芝士蛋糕。
皇牌芝士蛋糕$59個，買嘅都係即時出焗。睇住店員把出晒煙嘅蛋糕入紙盒，擔保新鮮。包裝紙盒同紙袋都好吸引，有Uncle Tetsu得意logo。盒上仲有2個氣孔位，唔怕焗到太濕。一路拎返屋企途中聞到帶有淡淡芝士香味，坐咗1個鐘車程返屋企仲有微溫。
返到屋企急不待品嚐，但始終都要影下相，一路影已經流晒口水。食後感係芝士味好清香，質感輕盈，軟、綿同埋滑。原來係用澳洲芝士同埋日本蛋和牛油。比回憶嘅伊藤家高出幾班。蛋糕可以室溫存放12小時，12小時後要冷藏並3天內吃完，不過其實一日都已經可以食晒，因為太綿同埋味道清香唔太濃烈，不知不覺就食晒。
要注意係店舖話1日賣400個，雖然唔知而家仲係咪，但就限住1人只可買1個。另外營業時間到10:30，琴晚9:45已經截龍話售馨。
如果你想keep住知道OL每日會發生趣事，就要入去Sweetie個fb page睇下，同like我個page啦!
沒有留言:
張貼留言