Ice & Cosy白色聖誕市集2015

活動日期：3-5 Dec 2015

地點: 側魚涌糖廠街
時間: 3 Dec 2015/ 12:30pm-6:00pm
      4 Dec 2015/12:30-8pm
      5 Dec 2015/1pm-7pm

 

聖誕就快到，Sweetie一定會做啲有聖誕氣氛嘅事黎迎接呢一個節日。雖然仲有3個星期先到聖誕，但已經有好多商場開始佈置。而節目方面，打頭炮嘅有太古地產舉辦到第三屆嘅Icy & Cosy白色聖誕市集。太古地產將佢自己地頭嘅大古坊糖廠街做成一個一連3日以冰做主題嘅市集。

一入市集，就見到有一個圓形水晶球，裡面坐咗個聖誕老人。只要當場捐款$50就可以入去水晶球同聖誕老人合照架啦！不過要注意呢個環節係冇即影即有嘅相送比你，所以要自備相機或者用手提電話，比工作人員幫你影。

 

市集店舖唔算多，有賣聖誕佈置飾物、手飾、糖果、小食店、賣啤酒的。記住要喺市集入口嘅information counter買每張面額$30嘅換領劵先可以換食物飲品，而一般小食或啤酒都剛剛好$30。旁邊有一個冷藏大貨櫃做的冰吧， -5度低溫之下享受cocktail。而令人最矚目嘅就係市集中心有一棵大聖誕樹，一個舞台有表演者唱歌。

 

舞台後仲有3個小攤檔，不過唔係賣野，係3個小工作坊。例如可以粉飾松果變成聖誕飾物，岩晒大人細路一齊參與。

最緊要係活動收益會撥捐比年度慈善籌款活動~愛心聖誕大行動，去支持本港及區域性非牟利組織，可以玩又可以做善事，真係值得支持。

如果你想keep住知道OL Sweetie分享趣事，請like我個page啦!  http://bitly.com/OhMySweetie 

 

空姐空少們的行李箱

早排經過SOGO賣行李嗰層，見到呢個牌。

唔講唔知，原來而家咁多間航空公司指定用DELSEY做機倉服務員嘅登機箱。當中航空公司最為港人熟識有國泰航空、港龍航空、長榮航空、阿聯酋航空、德個漢莎，睇黎都DELSEY都算係信心嘅保證。

 如果你想keep住知道OL Sweetie分享趣事，請like我個page啦!  http://bitly.com/OhMySweetie 

化身經典遊戲主角 - 食鬼

如果你呢排諗住同三五知己喺星期六、日gathering諗節目，唔洗頭痛，因為由26/9至1/11嘅每逄星期六、日，喺山頂廣場有個AAPE x PAC-MAN 迷宮，遊戲名叫Running Pac-Man，另外仲會喺萬聖節前一晚的星期五30/10加推多一日。PAC-MAN(食鬼)可以話係大家嘅集體回憶，難得有佢嘅主題活動，Sweetie當然親身玩完再滙報比大家知。 只要而家喺山頂廣場消費滿$100，就會有一張入場券，如此類推，最多可以換4張，因為一場GAME最多得3隻鬼同1隻PAC-MAN架咋。但要留意，以上嘅消費都係最多以2張單計算。山頂冇野好買？Sweetie比個小貼事你~去百佳買啲日用品就消費得黎唔浪費啦。 遊戲玩法4人一場GAME，但如果真係唔夠人，工作人員都可以同你玩埋一份。大家會以抽籤形式決定做咩角色。當日Sweetie就做咗最想做嘅PAC-MAN，朋友們就做咗鬼。唔好以為PAC-MAN好易做，因為個頭盔都幾重架。而鬼一樣更加唔易做，聽朋友講穿咗個吹氣鬼罩，感覺好似潛咗水睇野好唔清楚。   遊戲一開始鬼係可以食PAC-MAN，但如果PAC-MAN喺地下踩中個AAPE標誌嘅大力丸，PAC-MAN就可以倒捉返鬼架啦。最後遊戲勝出者仲會有PAC-MAN USB 一隻做獎品，而輸咗嘅參加者亦都會有AAPE x PAC-MAN糖果一包，皆大歡喜。   小朋友玩唔到唔緊要，因為商場仲有個PAC-MAN小迷宮場地比佢地玩。另外成個商場仲有好多食鬼嘅公仔比大家影相集郵添。要玩就快啦，到11月1號咋。 山頂廣場Website: http://www.thepeakgalleria.com/zh-HK/promotions/event-and-promotion.aspx 如果你想keep住知道OL Sweetie分享嘅事，請like我個page啦!  http://bitly.com/OhMySweetie

<中上環lunch搵食特集> 江山薈的京川小菜 **結業**

餐廳：江山薈京川滬菜館 地址：上環德輔道中262號一洲大廈2樓 菜式：宮保雞丁 (Set Lunch連豆漿或酸辣湯) 價錢：$68 Sweetie好鐘意食中菜，由其係小菜形式嗰種。經同事介紹，原來有一間唔多起眼嘅京川菜喺上環。Set Lunch選擇都算多，所以成日黎幫襯都唔怕悶，有時幾個同事叫幾款大家一齊食就仲更加好。 呢到嘅午市小菜套餐Sweetie已經試過晒，由簡單如蝦仁炒蛋，複雜至水煮魚味道都好好味。另外不得不讚就係跟餐送嘅酸辣湯，比很多上海菜館做得更出色。 唯獨是會覺得用料方面比較粗糙，例如水煮魚會用急凍腍魚柳（百住十幾蚊就有交易），炒鱔糊就比較少鱔，京蔥爆牛肉啲牛有少許筋。雖然用料粗糙不過味道都總算搭夠。冇辨法啦，而家食材咁貴，間間餐廳點都要諗下計。但對於一個鐘情食京川菜嘅人黎講，呢到係唔錯嘅選擇。 如果你想keep住知道OL Sweetie分享嘅事，請like我個page啦!  http://bitly.com/OhMySweetie

<中上環lunch搵食特集> 美心香港地 - 鴨腿湯飯

餐廳：美心香港地 地址：上環干諾道中90號大新行地下 菜式：鴨腿湯飯加飲品 (Set Lunch) 價錢：$68 可能人大咗，想食懷舊食物多咗，細細個鴨腿湯飯係要喺酒樓先食到，終於發現呢味傳統食物竟然可以好方便咁喺「美心香港地」食到，仲要係lunch set其中一款選擇。價錢非常合理，連餐飲或中湯都只係$68。 美心品牌，點都有啲保證。唔好以為set lunch料少飯多，Sweetie第一次見到真係嚇咗一跳，隻鴨腿大隻到一個湯碗都唔係咁夠放。唔只有外表，仲好有內涵，味道非常一流。鴨腿鮮嫰香滑，湯水充滿鴨味濃郁。Sweetie唔會放過湯裡面任何一種材料，浸有鴨味嘅冬瓜粒、元茜同埋煲到軟身嘅冬茹都通通消滅。另外嘅一碟白飯實在份量太多，所以每次都要記得叫少飯。 不過要提一提個湯面有啲油， Sweetie都理解到咁大隻鴨脾一定會有油煲出黎。要食好野，就要花多少少工夫，自己喺湯面隔少少油先食，咁就健康啲啦。   如果你想keep住知道OL Sweetie分享嘅事，請like我個page啦!  http://bitly.com/OhMySweetie

<中上環lunch搵食特集> 越泰 Viet Thai - 香茅豬扒飯

餐廳：越泰 Viet Thai 地址：上環干諾道中128號豫泰商業大廈地下 菜式：lunch Set「香茅豬扒飯」+ 餐飲：熱柚子茶/凍青檸梳打 價錢：$65 中環黎講Sweetie都有食開幾間越南菜，例如BEP同埋品越 (遲下再介紹)。自從近期上環越泰Viet Thai開業後，Sweetie一般都會去呢間，因為環境和地點都比較好，感覺坐得舒服過嗰2間，地方大少少。 食物方面，Sweetie最鐘意食set lunch嘅香茅豬扒飯加杯熱柚子茶。豬扒夠香茅味，而且唔硬好鬆軟。份量剛剛好，如果真係胃口比較大亦都可以用優惠價加點小食，但一般一個飯加飲品都夠晒飽。 不過有點要注意，Sweetie有次聽到隔離食客話凍青檸梳打比較甜，因為Sweetie通常飲熱飲，所以未飲過不能下判段。 如果你想keep住知道OL Sweetie分享嘅事，請like我個page啦!  http://bitly.com/OhMySweetie

$300換購旅遊必備Nikon｢防水、防寒、防撞」相機

<互聯網圖片>   Sweetie通常去陽光與海灘嘅地方，最近見到韓國啲package幾平，就打算去睇吓雪。平時去旅行都係用電話去影相，不過有朋友講，係雪地帶住手套用電話影相唔係咁方便，所以想搵個「輕便」又可以「防寒」嘅相機。之前見到有鋪頭做NIKON相機優惠$1,180，心諗都幾抵呀，後來有朋友話出卡送呢部相機，咁就有機會慳番千幾蚊啦!   原來朋友啱啱申請咗「安信信用卡」，佢就想要Delsey旅行喼，另一份禮物就係Nikon COOLPIX S33｢防水、防寒、防撞」相機。呢期「安信信用卡」真係好活躍，近幾次迎新禮品都好吸引。但奈何上次已經申請咗張卡換staub，好彩今次家姐肯幫手出卡拎禮物。   Sweetie上NIKON個網睇過，今次呢部Nikon COOLPIX S33相機原價要$1,280，仲係2015年新出嘅款式，只需要符合簽帳要求$7,800再加$300換購價就可以換到。上網申請送多$100，做埋Octopus增值又送多$100，連迎新簽賬都有回贈，計計埋埋即係$300都可以賺番！部機有晒｢防水、防寒、防撞」3大功能，唔好話落雪地方，下次去玩浮潛都可以帶埋佢去。部機仲要係Sweetie最鐘意嘅白色，夠晒時尚，仲有1年保養架~ 想睇多啲資料可以參考以下安信信用卡網頁：   安信參考資料：http://bit.ly/1MOHILb   Nikon COOLPIX S33相機資料：http://www.nikon.com.hk/tc_HK/product/digital-compact-cameras/style/coolpix-s33   有鋪頭做優惠都要$1180架：   如果你想keep住知道OL每日會發生嘅趣事，就要入去Sweetie個fb page睇下，同like我個page啦!  http://bitly.com/OhMySweetie

香港航空9週年機票大特賣! 仲有機會免費攞個DELSEY喼去旅行!

好多打工仔都要年尾清假，去旅行就最好不過。宜家香港航空9週年做緊優惠，訂票機期至到9月15號，今次賣嘅機票，有來回台灣低至$600，仲有沖繩，札幌同埋鹿兒島等。啲機票最快今年11月就可以飛，啱晒年尾清假去旅行！想知詳情可以去香港航空網站睇睇！

http://www.hongkongairlines.com/zh_HK/9th-anniversary/hkt

買完機票，之後就要預備旅行喼。而家買個好啲嘅旅行喼起碼過千蚊，想耐用啲就要揀個有牌子嘅喼。Sweetie知道呢期安信信用卡送DELSEY 27”行李喼，而家出卡，到時就可攞個新喼去旅行。如果喼唔啱你，咁就可以揀Nikon防水防寒相機，最啱去潛水或者滑雪時用。

呢間公司做貸款就出晒名，佢張信用卡嘅優惠都唔錯。呢張卡主打現金回贈，簽$150就有$1回贈，再加埋網上申請又額外送$100現金回贈。睇返佢個申請表，佢地個申請門檻都幾低，只需要年薪$60,000就可以申請到，想要就去申請啦!

參考資料: http://bit.ly/1MOHILb

提提你，如果想起飛前入機場貴賓室Hea吓，就記住帶埋Sweetie去飛必備嘅Citibank Premier Miles信用於或者CX AE卡。想知你手上信用於可唔可以入機場貴賓室，就要問下你銀行啦！

如果你想keep住知道OL每日會發生嘅趣事，就要入去Sweetie個fb page睇下，同like我個page啦!

http://bitly.com/OhMySweetie

唔洗等減價，6款靚喼免費任你揀

早2日出咗個post講2015十大最佳旅行箱排行榜，同谷友傾傾下，其實大家都會選擇申請信用卡送嘅旅行箱同你去玩去飛。Sweetie就搵咗啲資料睇下而家各大銀行信用卡公司，邊個送緊旅行箱。

現時都有成6張信用卡送緊旅行箱，女仔黎講Sweetie幾鐘意東亞個粉紅色，而Sweetie之前睇過渣打送嘅pink x green旅行箱實物，啲色配到9唔搭8。如果以個旅行箱牌子黎講，安信送嘅DELSEY就可以話係冇得輸，建行同永享個牌子唔出名，而中銀更加唔講係咩牌子，不過中銀同永享簽賬要求比較低，好快就簽夠。

免費嘅野冇理由唔要丫，大家仲唔快啲申請返個？

1.  渣打銀行
申請截止日期	30-11-2015
旅行喼牌子	Hideo Wakamatsu
尺寸	27’’
顏色	粉紅+綠 / 淺啡+深啡
簽賬要求	發卡後首2個月滿$8,000
參考資料	http://bit.ly/1JGRNZC
2.  安信信用卡
申請截止日期	31-1-2016
旅行喼牌子	DELSEY
尺寸	27’’
顏色	黑
簽賬要求	發卡後首3個月滿$7,800
參考資料	http://bit.ly/1MOHILb
3.  中國建設銀行(亞洲)
申請截止日期	31-8-2015
旅行喼牌子	LeMaurice & Co. 24’’
尺寸	24’’
顏色	黑
簽賬要求	發卡後首3個月滿$4,000
參考資料	http://bit.ly/1LZY2Id
4.  東亞銀行
申請截止日期	31-10-2015
旅行喼牌子	Hideo Wakamatsu 25’’
尺寸	25’’
顏色	粉紅 / 青綠
簽賬要求	發卡後首3個月滿$9,000
參考資料	http://bit.ly/1IzeARW
5.  華僑永亨
申請截止日期	沒有提供
旅行喼牌子	Eminent
尺寸	20’’
顏色	深紫
簽賬要求	發卡後首3個月滿$2,500
參考資料	http://bit.ly/1T5fNpZ
6.  中銀
申請截止日期	31-12-2015
旅行喼牌子	沒有提供
尺寸	20’’
顏色	螢光黃
簽賬要求	發卡後首3個月滿$2,000
參考資料	http://bit.ly/1W2VIVs

如果你想keep住知道OL每日會發生嘅趣事，就要入去Sweetie個fb page睇下，同like我個page啦!

http://bitly.com/OhMySweetie