<中上環lunch搵食特集> 美心香港地 - 鴨腿湯飯

餐廳：美心香港地 地址：上環干諾道中90號大新行地下 菜式：鴨腿湯飯加飲品 (Set Lunch) 價錢：$68 可能人大咗，想食懷舊食物多咗，細細個鴨腿湯飯係要喺酒樓先食到，終於發現呢味傳統食物竟然可以好方便咁喺「美心香港地」食到，仲要係lunch set其中一款選擇。價錢非常合理，連餐飲或中湯都只係$68。 美心品牌，點都有啲保證。唔好以為set lunch料少飯多，Sweetie第一次見到真係嚇咗一跳，隻鴨腿大隻到一個湯碗都唔係咁夠放。唔只有外表，仲好有內涵，味道非常一流。鴨腿鮮嫰香滑，湯水充滿鴨味濃郁。Sweetie唔會放過湯裡面任何一種材料，浸有鴨味嘅冬瓜粒、元茜同埋煲到軟身嘅冬茹都通通消滅。另外嘅一碟白飯實在份量太多，所以每次都要記得叫少飯。 不過要提一提個湯面有啲油， Sweetie都理解到咁大隻鴨脾一定會有油煲出黎。要食好野，就要花多少少工夫，自己喺湯面隔少少油先食，咁就健康啲啦。   如果你想keep住知道OL Sweetie分享嘅事，請like我個page啦!  http://bitly.com/OhMySweetie